Identitatea
Eskola gaztea, irekia, gertukoa
eta gardena gara. Hemen haurrak haien familiekin batera, gure egunerokotasuneko lanaren funtsezko oinarria
dira. Denbora luzea daramagu erreflexionatzen eta honek jarrera aldaketa batera
eraman gaitu, haurrenganako errespetuari lehentasuna emanez. Helduak
protagonista izateari uzten dio haurtzaroari tokia utziz. Lotura afektibo
seguruak eraikitzen ditu garapenerako gakoa izango direlarik eta bakoitzaren
prozesuak akonpañatuko ditu epaitu gabe. Bere ikaskuntza prozesuak berak
sortzeko gai den haur batean sinesten dugu. Haurrek berez jaoitzetik, mundua
ezagutu eta ikertzeko gaitasuna eta gogoak dakartzate. Haurtzaroarenganako gure
ikusputua ulertuta, hurrengo printzipioak gure eguneroko lanaren oinarriak
dira.
1. AUTONOMIA: haurren
gaitasunenganako konfidantzak, autonomiaren lorpenera eraman. Bere kabuz buruz
goratik buruz beherara bira emateko gai den haurra, berezko proiektuak sortzeko
gai dena, bere zailtasunei aurre egiteko gai dena...
2. ERRESPETUA
Haur bakoitzak erritmo
pertsonala dakar eta ez gara horretara aurreratzen.
Edozein sentimendu
antzematen dugu epaitu gabe: tristura, haserrea, poza, amorrua, gainezka
egotea...
3. ADIERAZPEN
KOMUNIKAZIOA
Heldua haurrek
sozializazio baliabideak lortzeko
erreferente eta eredua da. Hau dela eta, eskolan asko zaintzen dugu gure
lengoaia, ahozkoa eta ahozkoa ez dena noski. Haurrengana zuzentzeko orduan
haien altueran jartzen saiatzen gara, begirada bilatuz, eskuhartu baino lehen
entzunez, denbora emanez, itxoiten, sentimenduak errekonozituz...
4. JARDUERA AUTONOMOA
Gure helburuetariko bat
haurra jarduera autonomoarekiko plazerra aurkitzea da. Jarduera hau berezkoa da
eta haurrari bere mugimendu garapena eta intelektuala faboratzen duten
esperientziak bereganatzen laguntzen dio. Hau gure oinarrizko printzipioa
izanda, heldua zuzenean esku ez hartuz
edo haurren garapena ez bortxatuz edo
horretan ez aurreratuz saiatzen da. Hezitzaileok, 3 modutan parte
hartzen dugu:
- Gela prestatzen
eta bertan proposatzen dugun
materialarekin.
- Mugimendu lorpenen
erritmoa errespetatuz.
- Komunikaziaren
bitartez, haien lorpenei erreferentziak eginez eta errekonozituz, honela haurra
berarenganako kontzientzia hartzen joan dadin.